اللون الاحمر اللون الأزرق اللون الأسود اللون الأخضر اللون الوردي اللون البحري اللون الرمادي

عذراً تم إيقاف التسجيل حتى إشعار أخر


العودة   منتديات الطليعة > قسم الأدب والشعر > منتدى شعراء الطليعة
منتدى شعراء الطليعة يهتم بشعراء الطليعة قديماً وحديثاً (( يمنع المنقول شعراً ونثراً ))

الإهداءات


رد
قديم 07-Jan-2012, 09:56 PM   #1
رشاد هويدي
عضو الطليعة
افتراضي الخصخصة للشاعر المصري / رشاد هويدي ( شاعر الوادي )

الخصخصة للشاعر المصري / رشاد هويدي ( شاعر الوادي )
يجب محاكمة كل من شارك في جريمة
الخصخصة
للشاعر المصري / رشاد هويدي ( شاعر الوادي )
******************************************
انتو يا أهل الخصخصة
سيبكم بقى م اللغوصة !!
اتهد حيلنا من الشقى
لفيتوا حبل المشنقة
حوالين رقاب أهل البلد !!
ومات كمان حلم الولد !!
أحد أحد !!
نصير جميع المظلومين
والمنهوبين
والمتباعين من غير تمن !!
وأقل حتى من العفن !!
أو الكلاب الميتة !!
أو حتى ورقة ملكفتة !!
فوق كوم زبالة مزفتة !!
باعوا البلد في الكروتة !!
ساكنين في بيتنا بالإيجار !!
وعيشتنا أحلاها مرار !!
واسود لون كل الخضار !!
خضروات متسرطنة
وأي أمراض ممكنة !!
واللحمة فين ؟!
والقمح ولا الأسبرين ؟!
نفسي ناكل طقتين
من غير ما يبقى علينا دين !!
نفسي نشعر بالأمان
وإننا أصحاب مكان
مش حاجات جوه البيوت
حلمنا فعلا نموت !!
عشان يا عالم نترحم !!
م الفقر والجوع والسكوت !!
نرتاح من الأه والألم !!
والذل والعار والضغوط
نرتاح كمان م المهزلة !!
واللعب من بره الخطوط !!
من عيشة هم وبالبلا
بنحلم نموت !!
فقرا ولا عريانيين !!
متكفنين ..
ولا حتى بدون كفن
يتساوى كله في العفن !!
اللي وياه الفلوس !!
أو فوقه تاج السلطنة !!
واللي كان زي الناموس !!
أو هدومه معفنة !!
واللي رافعين الرؤوس !!
واللي ساق في الفرعنة !!
والمسروقين ويا اللصوص !!
وخدنا إيه م الخصخصة ؟!
لا حد فينا خد جنيه !!
ولا بان عليه !!
واحنا اللي دايما مطحونين !!
لحساب عصابة البياعين !!
والمليارات متكدسة !!
وبنوك سويسرا بتشتغل !!
على حسنا !!
لحساب أجانب مش لنا !!
ونعاني احنا من الفشل !!
فشل كبد وفشل كلى !!
والشعب حالته مبهدلة !!
وصحته متنيلة !!
وكمان ظروفه مقندلة !!
وشغالين في الخصخصة !!
يا ناس عيشتنا منغصة !!
واحنا اللي بيصيبنا الضرر
واحنا اللي بنموت م الخطر
واحنا اللي بيتباع باسمنا !!
واحنا اللي بيتباع جسمنا !!
واحنا اللي بيتنا بيتهدم
واحنا اللي بكرانا اتعدم !!
وبقنا مقفول !!
جواه لسان مغلول !!
وإيدنا فوق بقنا !!
تحلف عليه ما يقول !!
نبلع لسانا وننكتم !!
وحتى لما نقول !!
أبكم بيحكي لأصم !!
ولو الكلام تخفيف !!
لو هو حيلة الضعيف !!
لو الكلام تفجير !!
عمر الكلام وحده
ما بيعمل التغيير !!
ونفضل نهاتي سنين
والخصخصة بتسير !!
************
في 15/8/2010

كــــان هذا قبل سقوط عصابة البياعين
أما الآن فيجب أن تعود مصر للمصريين
رشاد هويدي
شاعر الوادي
. .
  رد مع اقتباس
قديم 07-Jan-2012, 10:35 PM   #2
صراع عكرش
عضو الطليعة
افتراضي

قصيده حلوه بها من النخوة والظيم
. .
  رد مع اقتباس
قديم 08-Jan-2012, 01:50 AM   #3
ﻵتغركـ ضـכَـكتـي
مشرف
 
الصورة الرمزية ﻵتغركـ ضـכَـكتـي
افتراضي

صح لسانك يا شاعر الوادي
. .
التوقيع:
  رد مع اقتباس
قديم 12-Jan-2012, 01:47 AM   #4
شمس الحقيقه
عضو الطليعة
افتراضي

تقتل
. .
التوقيع:

شمس الحقيقه
  رد مع اقتباس
رد
مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع إلى


الساعة الآن: 09:59 PM


Powered by vBulletin® Version 3.7.3, Copyright ©2000 - 2022
الآراء المطروحة في هذا المنتدى تخص أصحابها ولا تعبّر عن رأي إدارة الطليعة

| منتديات قطرات | منتديات الضويلة | منتديات موقق | منتديات أساطيرحائل |