27-Jul-2010, 09:25 PM
|
#1 |
|
عضو الطليعة
 
 |
مدرسة رمضان للشاعر المصري رشاد هويدي ( شاعر الوادي )
كل عام والأمة الإسلامية بخير بمناسبة شهر رمضان المبارك أعاده الله علينا بالخير والبركات ووحد فيه صفوف المسلمين وألف بين قلوبهم جمع شملهم ونصرهم على عدوهم .
آمين مدرسة رمضان للشاعر المصري / رشاد هويدي ( شاعر الوادي ) ********************* أنا مش عارف أقول لكم إيه = بس ضروري إني أتكلم رمضان شهركريم ومبارك = نزعل لما يروح نتألم هلّ علينا وجه بالخير = يلا أوام نكسب نتعلم حسنات تنفع يوم لا بينفع = مال ولا جاه ولا مين يتندم رمضان دا مدرسة يا جماعة = صبر . عزيمة إيمان وضمير ليه نقضيه تلفاز وإذاعة = فيلم مسلسل أو فوازير ؟! طب لو نقرا المصحف ساعة = جرب شوف إيه التغيير راحة الدنيا تكون في الدنيا = ولا الآخرة دا فرق كبير رمضان فيه السنة فريضة = والأجر مضاعف أضعاف عايزين نبدأ صفحة جديدة = ونودع دنيا الإسراف رمضان جه لآجل يطهرنا = من بلاوينا ونبقى نضاف ويعودنا الصبر ونبقى = أهل عزيمة ما نبقى ضعاف أصل الصوم مش أكل وميه = نمنعها عننا وخلاص لا دا لسان وجوارح صايمة = ما تقربش لسيرة الناس بيعلمنا نطلع صدقة = بيزرع فينا كمان إحساس بيخلينا في قلبنا رحمة = وبينصرنا على الوسواس رمضان شهر جهاد وعبادة = مش علشان نفضل نايمين ونسيب الشغل ما نخرجشي = لو سألونا نقول صايمين غزوة بدر ومكة اتفتحت = ومعارك غيرهم تانيين رمضان فيه المولى نصرنا = وعبرنا وحررنا سينين رمضان لازم نفرح بيه = مش بفانوس زينة وتفاريح لا دي فروض لازم تتأدى = ونوافل وصلاة تراويح صوم وقراءة قرآن دايما = حمد وتكبير أو تسبيح لاجل يكون للجنة طريقنا = وتكون هي الفرحة صحيح رمضان جاي ياخد بإيدينا = جاي بالقرآن لينا نذير ويبشرنا لو احنا آمنا = إننا لينا أجر كبير أصل الصوم فيه أكبر حكمة = عمره ما كان أبدا تعذير لما نجوع ترتاح المعدة = نشعر برضه بكل فقير مش علشان بنجوع في نهارنا = نقضي الليل كله على السفرة !! نفضل ناكل رز ولحمة = نشرب شوربة وناكل خضرة !! بقطايف وكنافة نحلي = ونخطط للأكل في بكره !! بنعوض أكلة بعشرين = ولمعدتنا دي طاقة وقدرة !! يعني الرحمة يا خلق شويه = أصل المعدة انتم ظالمينها رمضان أصلا شهر الرحمة = وانتم ليه مانتوش فاكرينها ؟! لما بيجي الجنة بتفتح = والنار تقفل كل بيبانها وينزل ربنا بركاته = وشياطين الجن يسلسلها شياطين الإنسان شغالة = إغواء دايما ما تبطلش !! واحدة ماشية وشعرها طاير = واللي وشها بويه اترش !! وتقول لك صايمة وعلشانها = احنا صيامنا ما بينفعش !! عايزين وقفة نصحح فيها = كل حياتنا ونرجع صح ودي مش عايزة كلام وحكاوي = أو تفسير أبدا ولا شرح دا احنا علاجنا يا ناس في إيدينا = رمضان فرصة نداوي الجرح وما اطولش عليكم لكن = أنا حاسس بسعادة وفرح أنا مش عايز أسيب رمضان = نفسي كمان أيامه تطول وما هاقدرش أوفيه حقه = مهما كتبت ومهما أقول لكن بادعي المولى يعيده = يمن وبركة وخير على طول وادعي بدعوة ليه وليكم = شهر كريم وصيام مقبول أمين يارب رشاد هويدي ( شاعر الوادي ) |
| . . | |
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
