عيادة ابن منيس يرثي زوجته ..قصة وقصيدة مؤثرة

[غفيلي]

 

بسم الله الرحمن الرحيم

ابن منيس وزوجتة
السلام عليكم ورحمة الله وبركاتة



قصة وفاء عيادة ابن منيس مع زوجتة

عيادة ابن منيس من قبيلة شمر من الحسينة

القصة

اجدبت الارض وتأخرة الامطار وجائتهم الاخبار ان الربيع علي لينة واجمعو علي ان يتبعون الحياء وقال عيادة ابي منكم خمسة ايام اتمكن من دق الملح ملح البارود لان وقتها كان السلاح الفتيل ومقمع وعيادة طراد صيد
دق يوم من الأيام وزلت يد النجر وثار بة الملح وقدح شرار علية واكلة من رجلية اليا راسة صاح الصياح العلم
قالو عيادة ثاربة الملح قالو هذي مشكلة ان تركناعيادة قصد بناء قصيدة ون قعدنا عندة مات حلالنا يمار بذن
زوجة عيادة قالت ياالسيافا من طرف عيادة لاتهتمون قدر الله علية اللي قدر ولا محاضيتة الا انا ولا موجعه الا انا ولا مساهرتة الا انا حنا اكثر منكم بعارين وغنم خوذو الحلال معكم ونا وعيادة حطونا بالغار اللي بجبل عرنة

جبل العمود ان حيا تلقوننا وان مات انخاء اهل القرية يدفنونة قالو لازم ناخذ راي عيادة بالموضوع قال عيادة
موافق علي ماقالت زوجتي ولا انتم نافعيني سواء انتم عندي او مانتم عندي اذا الايام منتهية فا السبب حصل
توكلو على الله /

شالوه وجدلوه مع زوجتة بالغار شمال عرنة ومشو بالحلال وصارة تحاضية وتساهرة الليل وتصيد له طيور وحجل وتشوي وتحط بفمه واليا جت تنطفة حطة قرونة بفمة وعضهن علشان يقوم وتشب بحطب الرمث وليا برد الرماد تنخلة وتحطة علي جسمة على شان يمتص الماء والين من الارض يقول ثلاثين يوم ما اقدر اساعده
باي شي لا اقوم ولا اتحرك يقول ستين يوم ونا الاهدة وبي الحق غيبة هي تزعل او تضايق او تضجر وكل يوم احسن من اللي قبله يقول اقولة ابي خبز وليا صلحة خبز قلت ابي تمن اكمل ثلاثة اشهر يمار الديرة مربعة ورجعو جماعتة

وقام يروح ويجي ويصلح قهوتة ويعزم جماعتة وقالهم العشاء عندي الليلة ابي اصيدلكم بدن عيد لوجة الله انكم رجعتو وعيد ان الله فكن , صعد لجبل عرنة ويصيد بدن يمار البدن كبير ويفتح بطنة وينثر كرشة علي شان
يخف يوم نزل من الجبل يمار تعبان وهو ينزل البدن ويقعد يرتاح غطة النوم وحلم حلم ان ذلولة يجيها راعي رمح ويضربها مع الورك قام من غطتة وهو مذعور من الحلم ويقن ان المصيبة بزوجتة .

عطى زوجتة البدن وقعد يتابعها بنظراتة , الزوجة اخذت تتفقد نفسها تشوف في ثوبها شي قالت ياعياده اشوفك تتابعني بنظراتك علي غير عادتك اليوم قال يابنت الحلال انا حلمت حلم ان ذلولي الفلانية جاها راعي رمح وضربها مع زر الورك وانا خايف عليك من هذا الحلم

قالت تعوذ من الشيطان هذي هرابيد ماتصدق , صلحو العشاء وتعشو الجماعة وقال هذي القصيدة

نطيت ضلعا لاسقى راسة الحيـا=صعيب من روس العوالي اجنوبها
من يوم ثار الملح قدام ناضـري=مثل المقمع يـوم شبـت شبوبهـا
ولي ياعين كل ماقـول خنـدر=تتشبة البرطم شنتا مـن غروبهـا
وثريك ياعينـي كفـى الله شـرة=دريت بها قبل العرب مادروبهـا
حلمت حلم غث قلبي وخاطـري=واركا على كبدي بلحامي شبوبها

وبعد فتره وفي جد الليالي حطتة في مثنى القطيفة لان جسمة مايتحمل البرد وهي عليه هدب القطيفة وفي منتصف الليل قالت ياعيادة انا اوجست شي قام واخذ ولعة وشافها يمار قاضبتن حضف على راس الشطية قالت احفظ نفسك واذبحة ذبح الحظف .

قال سلمتي قالت ماسلمت قال معين (من اين) قالت مع زر الورك قام يبي يقوم يمار يوم ودعت الحياة صاحو العرب وش فية قالو (خرعة) ماتت وكلن بكاء عليها الوغدان والشيبان والجيران ,حفرو قبرها ودفنوها وراحو عن الموقع

وقال قصيدة رثاء بزوجتة (خرعة) بعد وفاتها

يامزنتـا جنـا ضبـابـة وحـنـة=تسقي الخضر وديار غمقين الاضعان
تاخذ علي الرتعة تقـل يـوم سنـة=من زود سيلة تغرق الانس والجـان
تقصر عن الخشباء ولا سيـل كنـة=الديرة اللي ماتبـه غـض الاوجـان
وتسقـي متـان المقبـرة ينفعنـة=حلون عليهم طافـي العشـب لازان
ولا تـرى عـن سيلهـم مستكنـة=دونة صلافيح الكشف بيـن جيـلان
ماحسبـت لوعـات الليالـي يجنـة=واثار مال محضـر العمـر ميـدان
عرفـت يـوم عضهـا مـا عمدنـة=هوشة عديم هاشها واطلـق الـزان
ياليتنـي انا ويــاة نسـكـن بعـنـة=وفكه لنا والـي المقاديـر واحيـان
وونتـي عيـا ضمـيـري يكـنـة=عليك ياللي يومنـا طحـت حضـان
كفـيـف رجلـيـن ولا زهـدنـة=حسير مابيـن اليسـاري والايمـان
يامايديـنـي كلـهـن لمـسـنـة=وبالسهر ياما دافي البطـن حاضـان
وغدت علي مثـل القطـاة المكنـة=ياما بريت وسامك العـرش عافـان
ياونتـي تأتـي ثمانـيـن ونــة=ما قواك يازوري على جرع ماجـان
ونيـن راعـي سابـق ٍ غرقـنـة=شهب النواصي مرضيات بلا رسان
شهب النواصـي معلقـات الاعنـة=شهب عليهن من شبـاب وشيبـان
تقنطـرت بوجيهـهـن ما ودعـنـة=بنـات قـواد السبـايـا كحـيـلان
وردن علية الرماح زرقـن رمنـة=فـوق البريـم وحدرلمـات الامتـان
وعيني اللـي تقـل ناضـوح شنـة=من البير يجذبـهن مراجيـع عثمـان
حيلـن تطلـع بـاردا مـن مقنـة=بقرب تودع لاشهـب الجـم شـذان
غيب السوانـي والثـلاث اطلعنـة=يسقن خواوير النخل هن والاضعان
وخلافهـن رقـط المحاليـل غنـة=زمار عسكـر دولـت تقـل ديبـان
عليـك يالـلي مالهـتـن بـونـة=صافي الثمان الي تقل وزن ميـزان
يابـو عيـون ياكمـا وجـة كنـة=عين الغـزال ليـا تشافـا ورعـان
القبـر صلبـات العـمـد شيلـنـه=برضٍ تراها لسوهج وبـن حركـان
وداعتك سحـم الضـرى لايجنـه=وداعتك قصيرتـك يابـن حركـان
وداعـتـك ولكانـهـن لا يعـنـه=قصيرتك ترى مابها مشـي حقـان

قالو ياعيادة انت اشغلت ابن حركان وهو يحرس قبر زوجتك..
قال ماهو صحيح حتي اشوف بعيني راح عيادة للقبر وامرح بالليل يوم اصبح الصبح شاف ابن حركان يركب فرسة لكي يعود الي بيتة قال عيادة يبن حركان تري عضامها كلتهن الارض قال انت ودعتن اية ولا اخلي الوداعة حتي تعفيني قال خلاص انا عفيت

لكم كل الود والاحترام




نأسف اذا كأن هناك اخطاء املائية او غيرها

للمزيد من مواضيعي

[abbbbbber]

 

شكرا لاحياء التراث ..............................

[غفيلي]

 

تعديل

بعد الرجوع لاحد الرواة (من كبار السن)

نطيت ضلعا لاسقى راسة الحيـا=سريع من روس العوالي اطبوبه
من يوم ثار الملح قدام ناضـري=مثل المقمع يـوم شبـت شبوبه
ولي ياعين كل ماقـول خنـدرت=تشبة لبرطم شنتة مـن غروبه
وثريك ياعينـي وكفـى الله شـرك=انتي دريت و العرب مادروبه
حلمت حلموخبث الحلم خاطـري=واركا على كبدي بحامي لهوبه

نكرر اسفنا واعتذارنا

والله يحفظكم

[غفيلي]

 

اقتباس   المشاركة الأصلية كتبت بواسطة abbbbbber شكرا لاحياء التراث ..............................

السلام عليكم ورحمة الله وبركاته


اخير ا ياعابر
مافيه تكرار بالحروف


اشكر مرورك

[بعيد الهقاوي]

 

سلمت اناملك يالغفيلي على ها القصه الراااااااااااائعه
وكثر الله من امثالك

التوقيع

[غفيلي]

 

اشكر مرورك