اللون الأحمر اللون الأزرق اللون الأسود اللون الأخضر اللون الوردي اللون البحري  اللون الرصاصي

قديم 31-Dec-2010, 11:52 PM   #1
صريح
عضو الطليعة
افتراضي قصائد عن شمر

السلام عليكم ورحمة الله وبركاته
اخواني الاعضاء اليوم ناوي اجمع جميع القصائد الي فيها مدح لقبيلة شمر وشيوخ شمر وما استغني عن مساعدتكم واضافاتكم
ـــــــــــــــــــــــــ
العـــاصفــه
يالله ياعالم بخافي حوالها
********************رافع سماها دون شدة حبالها

بستة ليالي ركز الارض والسما
********************يقدر ولا يعسر وربي قوالها

اودع بها الوديان والرجم والجلد
*******************بعد الجلد نصب نوايف رمالها

وطشر نجوم الكون والثاني القمر
******************تشوف بالظلما قديح اشتعالها

وعزل نهاره عن ظلامه بقدرته
****************وارسل مليكه ثم رسى جبالها

واظهر لنا شمس غشى الخلق نوره
*************وان اكسفت حال الخلايق بجالها

فضله كثير بس نطلبه الثنا
*************وحبل الوصل لا ننقطع عن وصالها

وثم خلق آدم وحوا من الثرا
***************ونفخ بهم من روح جل جلالها

وصارو بجنات النعيم وتوافقو
*****************عن شجرة شينه منعهم وصالها

وحداهم ابليس اللعين بطريقته
***************ودهور نفوس مطمئنه بحلالها

وجازاهم الخالق وفرق لشملهم
*************ومن طاع راي ابليس هذا جزالها

حوا بشرق الارض وآدم بغربها
**************وكل قصد للوجه الآخر قبالها

آدم ينام الليل والصبح يبتدي
*************يبغى يشوفه ما دون اعتجالها

وحوا تدوس الليل والصبح بالسرا
***************من لهفته مالذة النوم جالها

وتجلس على كوم البرد في طريقها
**********وتشكي سموم القيض وآعزتالها

وتقابلو بعد المسافات والعنا
************وتعارفو بالشاهقه من جبالها

وياقادر في ذا تقدر لحيرتي
*********باشاكيك برجواك العزيزه وحالها

باشاكيك انا يالله من جور وقتنا
****************دنيا تصفقنا على ما طرالها

والحظ يندبنا وبقعا تحوفنا
*****************دنيا تحدنا وسكر مجالها

بالله ياللي بك خيره ومقدره
**************خلك فطين بحالنا وش بدالها

لولا الحسد والحقد ماصار وضعنا
*************مثل فلسطين الذي شفت حالها

بس بكلام الناس تسعى بجهدها
**************ولحد وقف معها ولحد سعالها

ماجور يا قلب تدهولت بالقهر
*************عزي لنفس خبث الوقت بالها

قبل امس وانا عند ربعي وعزوتي
***************واليوم بديار صعيب منالها

وباكر على الدوحه وبعده لغيرها
************والله عليم بحالتي وش نوالها

امشي وانا مالي قرايب على ارضهم
**************والروح مما شفت قرب زوالها

ذكرت حكم الله باول قصيدتي
*************من هب للقبلي يدير لشمالها

هو داير الافلاك يقدر يديرها
*************ويطفي لهب كبد يزيد اشتعالها

تايه ولا اظن لي وطن يا هل الوفا
*************لي الولي والروح هي واعمالها

والله لو انه على ما مضالنا
**************عند نزلكم حايل ادني رحالها

واعزي الروح الغريمه بودكم
***********واقول روحي مضيعه وش غدالها

ما هو ردا فيكم ولا اسب فعلكم
***************يا لعنبو نفس غواها همالها

قلته وانا راسي تزاين به الطنا
**********ومن سيد كل الناس ماهم انذالها

انا لابتي هم خيرة الخلق والبشر
***********بعد الصحابه لابتي هم اجزالها

زوبع هلي غلبا هل العرف والنقا
**************شمر خيار القوم شمر ثقالها

شمر هل الردات شمر بوقتهم
*************شمر على كل القبايل افعالها

ولوهي تعود امجاد شمر وعزنا
*************شمر على كل الخلايق ظلالها

شمر هل النوهات شمر هل الخطا
*************شمر طنايا طي شمر جبالها

شمر عفاف العرض شمر هل الخوي
***************الفكر صخرها ولحد قوالها

من غير قاصر بالقبايل وحضرها
***********منهم مثل شمر على ما مضالها

اذا الناس ارض وهم شمر رجومها
************ومهما زمو بالزود شمر جبالها

واذا الناس مزن زار واستنزل البرد
****************شمر بحر ما ضايقه باحتمالها

واذا الناس غيم زام بالجو وانتهض
****************شمر نجوم ولا وصل لمستوالها

والله يا لولا لابتي ضايع الوفا
**************ومحمد العوني سبقني وقالها

ويقول فجحان الفراوي بطيبهم
***************منهو مثل شمر رخيص حلالها

احبهم و احب كل يحبهم
***********وابغض من ابغضهم ولاني بحالها

ويامن يهجعني ويجبر مصيبتي
**************ويامن يرد للنفس معنى سؤالها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
صح لسان من قالها.....
]ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
سلام الله سـلامٍ مـن ضميـري يـروي العطشـان
علـى شمّـر ومـا ادراك مـا شّمـر وعزتّـهـا

بهـم عبـده والاسلـم ثـم زوبـع عالييـن الشـان
سـلام الله علـى شـمـر وهيبتـهـا وفزعتّـهـا

سلام أزكى مـن العفّـة يـا كـن الـدم بالشريـان
عزيـز ولا أبـد يمكـن تـزل الــروح عزّتـهـا

سلام العز والطاعـة سـلام أجلـب لـه الأعيـان
أعشـق المـوت مـن شانـك ليـا هبّـت مهبتهـا

سلام ياصل الموصول ويرجع واصـل(ن) بـرزان
نعـم غلبـا ليـا ثـارت بـروق المـوت حزتهـا

انا لـي لابتـن سلـت صقيـل(ن) باللقـى رويـان
سناعيـس هـلا النـخـوة آلا ياطـيـب نوختـهـا

سلام العز..وأركـان الشموخ..وسيـرة الشجعـان
سـلامٍ يحنـي الهامـه لجـل شـمّـر و هامتـهـا

سـلام الخيـل والمجـد التليـد وشيمـة الفرسـان
على الاسلم علـى عبـده علـى زوبـع و سيرتهـا

يدس..ايدة على بطن الخطا.... من يامـن البركـان
حريقه .. وش رجاه من الحرايق .. فـي نهايتهـا..

و شمّر ..فعل..مستقبل .. وحاظر ..مثل ماهو.. كان
لها ..الطاري .. كثر.. ماتذكر.. الدنيـا.. بدايتهـا..

بني عمي ...نجايب.. لابتي .. معصيّة .. الخـذلان
بها .. اسكر ..مِرّ.. واتلذذ..متى..جابوا..حكايتها...

طنايا السيف يـوم الملحمـه لـو يزعـل الزعـلان
طنايـا اللابـة اللـي راس مالـه فـي كرامتـهـا

لبسنا تـاج ملـك الجـود وافـي صافـي التيجـان
زهـت بـه خامـة العـزه وزادت فـي فخامتهـا

سلام العز،، لاهل العز،، والهيبـه،، هـل الميـدان
قبيلـه ضمـن ميـزان الـدول تنـقـاس نسبتـهـا

بدون اقْصور بالعالم ... صريـح القـول بالمليـان
تـرى مـن خلقـة الدنيـا وشمـر فـوق رايتْهـا

سـلام الله سـلامٍ يـرجـح الكـفـات بالمـيـزان
ســلامٍ لطنـايـا والطنـايـا فــوق همـتـهـا

هلي شمر كبار صحون وطعونـه علـى العـدوان
علـى طـول السنيـن مخيميـن بـعـز خيمتـهـا

شروق الشمس في لمعـة سيـوف العزوالشجعـان
وكم ا رضن بعيـده حيـل وحوافـر خيلهـم جتهـا

مثـل غيثـن نشاوارعـد تلاطـم و سيـل الوديـان
وسـلام الله علـى شمرفـي سـاعـات فزعتـهـا

طنايـا والطنـا عـاده وتشهـد قمـت الصـمـان
قبيلـه ويـش ضـل القـاب عــز ولاتسمتـهـا

رضانا يشبـه النسمـه وزعلنـا يصطلـي بركـان
وعطانـا يشبـه الغيمـه ليـا هـلـت سحابتـهـا

سـلام الله عليـكـم ياطنـايـا كلـكـم فـرسـان
تـراهـي قـربـت وتبـيـن العـالـم بساعتـهـا

انا بدعي عسا ربي يحفضكم فـي شهـر رمضـان
صـلاة الغايـب العربـان باخـر عشـر صلتـهـا


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
. .
  رد مع اقتباس
قديم 31-Dec-2010, 11:58 PM   #2
صريح
عضو الطليعة
افتراضي

ياعيال شيلوا رجوا الطبل تكفون ..... وحنا على مطلوبكم يالنشاما
شمر بني عمي هل الكيد والهون .... واليا اعتزو في زاهيات الوشما
لزين زين (ن) وللشين طاعون ..... عدوهم جداه عض البهاما
شمر هل الطولات وابلييس ملعون ..... والشاهد الله والعبي ياحماما
((( وله تكمله )))

الشاعر رباح محمد الغيثي الشمري

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
قصيدة الشاعر: تركي المورقي العتيبي


(شمر هل الطولات وابليس ملعون
والشاهد الله والعبي يا حمامة)


بيت ٍ وغنيته مع اللي يغنّون
وحطيته براس القصيدة علامة
شمّر هل الطولات يعني يطولون
اعلا بروج المرجلة والزعامة
شمّر وبهجة خاطري يوم يطرون
وبشاشة بيوت القصيد ووسامه
شمّر طنا .. نخوة .. شجاعة .. كرم .. عون
شمّر رحابة صدر .. شمّر شهامة
شمّر كبار صحون .. وسّاعة طعون
اهل العطايا .. محتمين الجهامة
يوم الكرم فيه القبايل يمارون
شمّر هم ملوكه وذروة سنامة
كن الكرم بأسم السناعيس مقرون
لا قال من شمّر ذكرت الكرامة
سمعت يوم الجوع مبطي .. يقولون
طعام جار الشمري من طعامه
ويوم الغزو والوضع ماهوب هاللون
اكبر غنايم من غزوه السلامة
قوم ٍ لهم بالمجد اساسات وركون
من خلقت الدنيا ليوم القيامة
والله وسبع انعام لو مايكفّون
خطوا الزّحول معاديين الرخامة
احبهم في ذمتي حب مجنون
والله يلعن من كذب في كلامه
ياطير خذ هذي لحايل وممنون
مع خافق الشاعر وغالي سلامه
قل قالها من قلب وابليس ملعون
مدح ٍ بشمّر .. والعبي ياحمامة


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
شمر ليا شان اللغى والدخن ثاع
روس الحرار تهدها وتهبدها
شمر ودايع نجد شمر هل الباع
شمر هل الناموس شمر وحدها
شمر هل الردات يا خليف بتاع
شمر حمول الخيل شمر سندها
شمر هل الجولات يا صكت القاع
شمر تعدل المايله من سعدها
شمر طعونه تقصف العمر ووساع
يا جردت بسيوفها من غمدها
شمر زهوا زهيد للموت قطاع
شمر تمس من العوارف عقدها
شمر تقود القوم مع كل الاوساع
شمر تشب بنارها من وقدها
شمر زحازيح الجبل ما به اساع
شمر هل الجولات يثبت عددها
شمر خلف عقبان وصقور وسباع
شمر تدله بالمعادي كردها
شمر طنايا طرفة العمر بياع
شمر تخز عقابها مع لبدها
شمر ليا دكت على القوم تنزاع
شمر سلايل لابة مابعدها
شمر تعلت يوم شالع وشلاع
شمر تبث زروعها وتحصدها
شمر ليا هاز الوطن كل طماع
شمر رواق البيت شمر عمدها
شمر هل الفزعه مغاوير الابداع
شمر به التاريخ قال وحمدها
. .
  رد مع اقتباس
قديم 01-Jan-2011, 12:13 AM   #3
ـالآمـجً ـآد
 
الصورة الرمزية ـالآمـجً ـآد
افتراضي

هذه القصيدة ردا على الشاعر/هايف بن نعيم المطيري على قصيدته التي قال فيها :
على الويلان ساعدنا الطنايا وردينا لعظمتهم يقينا
إلى ان قال :
حربنا كلكم عشر القبايل وعبرنا نجد منكم مانثنينا
واكلنا راس عباس الظفيري وياما روس من مثله كلينا
..... وإليكم رد الشاعر/منصور بن سعدي رجاء الرمالي ،،
حيــــث يقــــول :
بديت في ذكر من فيه أستعينا إله الكون في ذكره بدينا
عظيم الشان رب الخلق الأوحد تعالى الله خير الخالقينا
ومن بعد ذكره بدينا بالمثايل تركت النقص واخترت الحسينا
و أرد الرد لإبن نعيم هايف وأحذر من يذم الغافلينا
أحذر مثل هايف كل هافي يتجنب لا بشره يبتلينا
يتجنب كان هو يبغى حياته وياويله كان هو طاح بيدينا
يعيف الأوله هي والتوالي ويعرف أفعالنا ليا من إبلينا
ويعرف إن الفول فعول شمر وشمر بالفعول المثبتينا
أنا ماأذم حمران النواظر ولا انا انا من يسب الغافلينا
اخاف الله انا وأدرى عذابه وعسى ربي من الظلم يحمينا
ولاكن بلاني هايف الي ذكر لي غلبنا غلب علينا
بدا في ذمنا والبادي أظلم فتل حبله وبالنقض إبتدينا
تمادى بالغرور وبالمذمه ظلم نفسه وجعل حظه دفينا
غزانا الهيس بلسانه وأخذنا وذبحنا بالكلام ولا درينا
ردي النفس مادري ويش اصابه ولا ادري وشبلا الخايب علينا
ولا ادري وين ربعه عن كلامه علامه مالقاله ناصحينا
قليل العرف مثل الورع ينصح ولاكن مانصحوه العارفينا
ولا أدري وشبلا الجاهل تجاهل فعايل من لهم فعل يقينا
جهل فعل القبايل غير شمر ويقول ان مطير نجم معتلينا
ولاكن ماحد حسب حسابه ولا لحساب من مثله خذينا
أحده..وإن بنا بيت نهده وإذا عاند على خشمه وطينا
أهينه لين ينسى بأمس وينه ولا يعرف اليسار من اليمينا
وينسى كيف ينظمن القوافي ويتبدل زجره الماضي ونينا
ألا يالذيخ وشخلاك تكذب وتحط نفسك بمكان الكاذبينا
تقول بكير ذبحت الطنايا متى ذا صار ياإبلس اللعينا
على كيفك تذبحنا بزيفك بزيف وكذب وأوهام تغزينا
ترى في كير ماذبحت شمر خذيتوا مثل ماحنا خذينا
ولاكن أذكرك بأم الجماجم بها زدنا عليكم وإعتلينا
هزمناكم بها اكبر هزيمه وترى ماسلمو الا الهاربينا
بها صلنا وجلنا لين نلنا ورجعتوا خاسرين ونادمينا
تندمتوا على حرب الطنايا ورجعنا للغنايم كاسبينا
طنايا نروي الظامي من الدم على راس المعادي له حنينا
وإذا يالهيس تجهل فعول شمر سل التاريخ يعطيك اليقينا
وإذا انت ناسيله ما تذكر ترى التاريخ يذكر مانسينا
وسل الاجواد عن تاريخ شمر كبار السن والي فاهمينا
يعدون الصحيح ويقنعونك واللي يخفاك منهم لك يبينا
هل الذمة هم التاريخ سلهم ولو هم من عربك الاقربينا
تركد..ونشد العقيل عنا قبل تنظم وبالقيل تهجينا
تقول مطير صاروا عون شمر على الويلان معنا ىقايمينا
متى شمر طلبوا العون منكم كذبت..ولا لكم فضل علينا
ولاكن قل مع إبن سعود قمتوا ومع مبارك وقفتوا وإلتقينا
وعيكم بالصريف الرعب خيم ورجعتوا مع مبارك خاسرينا
أعنتوهم علينا وإنهزمتوا عوين خيب ظن المستعينا
فلا نلتوا مديح ولاسلمتوا مثل من عايد القريتينا
وتقول الضيغمي شلتوا جواده وخذت في ملك فتنان سنتينا
أقول إنت تهبأ كاذب وكاذب فلا شالو عموم مطير شينا
كذوب وبالخطا عمد تعمد لعنك الله لعنه كل حينا
تقول إنه قليل اللي غلبكم وتقول بكل وقعه فايزينا
ونسيت الغزوة الي كد غزاها حدا الي بالحجاز مسيطرينا
ابن عون الشريف اسمه محمد غزاكم وين فعلك مايبينا
ذكركم عن ملاقاه إنتحيتوا ولا تخفى عليك ولا علينا
وشواهدها قصيدة من غزاكم ونفس النص موجود لدينا
وغزانا وإلتقينابه بموقق وحنا اللي ثبتنا مانتحينا
تقابلنا وصار الصبح ظلما يشيب من الفزع راس الجنينا
صمدوا فريسنا تسعين ليله سناعيس لـــ الضده ما تلينا
وجت زوبع وطير العز غنا أناشيد النصر لـــ الصامدينا
بذاك اليوم سمينا الطنايا طنايا مانهاب ليا طنينا
طنايا.. مارضينا بالمهونه ولا نرضى المهونه ما حيينا
طنايا..الذل ماننزل جواره وعلى انفسنا المذله مارضينا
طنايا.. وان نطحنا كل غازي يتراعد خوف من يقبل علينا
طنايا..من حربنا له ضربنا نصب الويل فوق الي يجينا
طنايا..نارد حياض المنايا أسود..بالحروب مجربينا
طنايا..عندنا تحل القضايا حرار..بالعلالي معتلينا
طنايا..نكرم العاني ونعطي وعطايانا الجلايل ليا عطينا
طنايا..وان نصانا كل ضايم يشوف العز من ساعة يجينا
فكم من واحد ضاق وزبنا زبنا مستظيم وله حمينا
حمينا من لجا يطلب إحمانا ودحرنا كل غدار ونحينا
طنايا..يوم رماح القوم تخطي تصيب رماحنا من به رمينا
طنايا..فعلنا فعل يترخ ويبقى ما على البيداء بقينا
تدارسه الأجيال غير حنا عظيم لو جحده الجاحدينا
طنايا.. هم سلاطين الجزيره وهم الحكام في ماضي السنينا
طنايا..من الزمن قرن إحكموها أضف عشرين معهن حاكمينا
تسيدنا وسدنا بالقبايل قبايل نجد كله له ولينا
وتسلطنا بحد السيف الأبتر أزحنا من تولاه ولينا
وليناها وحكمناها بقوة ماهي هدو اخذناها بيدينا
على يدنا هدمنا حكم دولة وعلى يدنا لدولتنا بنينا
كتبنا إسم الطنايا فوق عرشه وإسم من كان يحكمها محينا
وفتحنا في سجل الحكم صفحه وصفحة من حكم فيها طوينا
حكموا فيها "الرشيد" أبطال شمر نعم هم من حكم .حكم مكينا
ترى شمر فعايلهم تعجز وتراهم بالفعول المقدمينا
تلقبنا "بــ غلبا " ما إنغلبنا لكثرة غلبنا العايل علينا
طنايا..على الاضداد قاسين وصيارم يلين الجبال.ولا نلينا
طنايا..وإن نخانا كل مبلي توشحنا الهنادي وانتخينا
ونخينا كل مقدام مجرب وجمعنا الجمع وبالجمع إلتقينا
واخذنا بثار من صوت لشمر بدل هذلول شيخين رمينا
مشى هايس لعيون هيفاء تنخوى وإنتخى ذرب اليمينا
وفعل فعل رفع روس الطنايا وعلى فعله خصومه شاهدينا
ونوانا الشيخ إبن هندي بحايل وحنا من نوانا له نوينا
تحركنا ونزلناله بعروى قصرنا عنوة الشيخ وعنينا
وتقابلنا الضحى والشمس حيه خسر فيها وحنا الرابحينا
ورجعنا للجبل ومعنا الغنايم "عوايدنا ليا منا غزينا
وفعلنا المعجزه في كون بقعاء وذبحنا كل طاغي ماطغينا
ثلاث الاف من مات وتصوب نهار فيه شاب المرضعينا
نهار فيه سوينا الهوايل على أغلب جمعهم حنا قضينا
صفا بقعاء عليه الدم غطى وكم من راس شيخ له وطينا
شريدتهم حلف وأقسم وطلق فلا يغزي مدى عمره يمينا
وحاصرنا الكويت شهور أربع وثلاث قلاع بالجهرا بنينا
ولاذوا في حمى الإنجليز عنا وفعلنا المعجزات ولا إنثنينا
ونخانا الشيخ إبن ثاني وأجبنا "كما العادة ليا إنخينا مشينا
أمرنا الضيغمي نمشي وسرنا لبني ياس وهل البحرين جينا
وصلنا لدار إبن ثاني وأغرنا على جمع الغزات الطامعينا
وهزمنا جمعهم والكل يشهد وشواهد ماذكرت القلعتينا
إلى يومك باسم برزان تعرف دلايل فعلنا لو ماحكينا
تكون الفعول بفعل فاعل وحنا لـــــ الصعاب الفاعلينا
وغزينا الجوف يوم رويل زادوا وهدمنا دونهم الحصن الحصينا
وذبحنا بالهنادي كل خير بقع الراس للغادر جزينا
حصدناهم وأبدناهم إباده هزمناهم وأخذنا البيرقينا
علينا يبتغون الزود لاكن تطيح الروس ماتعلا علينا
وغزينا المنتفق بأطراف دجله هزمنا جمع خزعل وارتكينا
هزمنا الي مع مبارك يحامي وعن الفزعات ياما له نهينا
لكنه تمادى في غروره تناسى فعلنا..مادري نسينا
ودفع قيمة غروره نصف جيشه جزا لــــ الكبر.وإستهزيه فينا
يقود جموعنا شبل مجرب شجاع لا يذل ولا يلينا
شجاع كل أهل نجد تهابه ويهابونه هل البصره وسينا
له الشيخان يهدون الهدايا وله الفرسان هيبه خاضعينا
سلاطين الدول تاخذ حسابه ولا احد فيه يقدر يستهينا
وجميع ال رشيد أبطال شمر لهم فعل وتاريخ مبينا
جمعوا بين الإماره والشجاعه وما بين اللين والعزم المكينا
ولو نجد حموها وإحتموها أسود الغاب حامين العرينا
أسود مايهابون المعادي أسود يقهرون المعتدينا
أسود أسياد سادوا بالجزيره أسود عيال أسود محنكينا
أسود أسياد سادوا كل سيد وهم الأسياد رغم المنكرينا
وترى شمر تميزهم ثلاثه بها عن غيرنا متميزينا
صخانا الحاتمي من دور حاتم أضف معه الشجاعه ثم دينا
ورثنا الجود من أبو الجود حاتم بنا الأمثال تضرب كل حينا
وسكنا بالجبل قبل النبوه ومابعد النبوه له حمينا
. .
التوقيع: [align=center]

لا أمثل لمن حولي شخصيه
كي أرضيهم
فأنا كما أنا وإن لم يتقبلوني فتلك:

Not my problem
  رد مع اقتباس
قديم 01-Jan-2011, 12:15 AM   #4
صريح
عضو الطليعة
افتراضي

القصيده تتكلم عن تاريخ شمر...............................................
جاني جوابك شفـت بالوجـه تجميـل


يلـي فرعـت العلـم بـدون تدريـس


اشرح لك الماضي واعطيـك تفصيـل


ياموجه المبـدا علـى غيـر تاسيـس


يامحلـل التربـه عنـد بـن منـديـل


افعـال شمـر مابهـا رمـز تدنيـس


انصح شبـاب اليـوم واحـذر الجيـل


لاتنقـل التزويـر كسـب المفالـيـس


مانعتـرض لمـن يفتخـر بالتماثـيـل


كـرام اللحـاء ميبـذرون الدنافـيـس


تاريخنـا مابـه همـايـل وتضلـيـل


بحضورنـا فـاز الجبـل بالنواميـس


ضياغمن جينـا علـى كنـس الحيـل


بزمـام دكـلاتٍ تنـخـا سناعـيـس


حنـا كبـود الزمـل حمالـة الشـيـل


اهـل السمـوت مطوعيـن الملابيـس


حنـا ثقـل الـروز ماهـي طهابيـل


وسام الشجاعة تاجنا من جبـل عيـس


اعطيـك بالماضـي بيـان المواهيـل


بكون الجهراء وغيرها ذبحـة دريـس


ومن دومت الجندل الـى منقـع السيـل


منا سكـن بالجـوف ناسـاً غواريـس


انشـد ذلـول وديـد عقـب المراميـل


اخلـو شـداده مبعـديـن الملامـيـس


شيبا ظهـر قامـة تحـض المخاليـل


منعقـب ماتطـوي بعيـد المرامـيـس


تشهـد لنـا سمـر الجبـال المضاليـل


يوم الفضول اهـل الـدروع الملابيـس


واللي سكن شط العـرب دونـه الليـل


تسعيـن قريـه للعبيـدي عواسـيـس


وجره علـى دار الجبـل مثـل ماقيـل


بريع البكـر خلـو زعيـم المطاويـس


دلايلـن مـابـه مــلاوي وتعـديـل


ترى الهمايـل كسبهـا يكسـر البيـس


واختامها بقـول الغفيلـي عـن الميـل


راع الذهوب الي نشـد بالمثـل قيـس


مـن لابتـاً يـوم الملاقـا حلاحـيـل


زوبـع الياهبـت هبـوب النسانـيـس


اعطيك عن جلـة بنـي يـاس بالخيـل


جولـة حـرار ماخلطهـا قرانـيـس


اجلـو صـدا عـن القلـوب المغاليـل


سلـم الجـدود الاولـه مابهـا بـيـس


معهـم ثـلاث غيـر عـد الزماميـل


اخلو سروج الخيل وراحـت مقاويـس


نعطي حقوق النـاس ولانقبـل الميـل


انشد فصيـل عقـاب يـوم المتاريـس


يـوم الخنيسـي باولـه ينـدب الخيـل


خيل الخليبـص باولـه وانشـد منيـس


وشبرم راعي الهدلا بعيـد المصاويـل


تر جرته رسمت على الجـدي تقييـس


قام الطلب من فـوق عكـف الزناجيـل


عيـا يسلـم حايـمـات القناطـيـس


لافرعـن نجـل العيـون المضالـيـل


ينخن مثل عباس (1) وموارث نعيس(2)


اهـل الحميـه ينطـحـون المقابـيـل


قبل الطلي يرتع مـع الذيـب والتيـس


ربعي هـل الـوادي روس المشاكيـل


قبـل زمـان المفتـري والعواكـيـس


ضياغمـن جينـا مـن مطلـع سهيـل


سلطـان مـارد يـوم جولاتنـا ديـس


صـلات ربـي عـد وبـل الهماليـل


واعـداد ماسـاج القلـم بالقراطـيـس


. .
  رد مع اقتباس
قديم 01-Jan-2011, 12:31 AM   #5
صريح
عضو الطليعة
افتراضي

[هذه هي الملحمه الشمريه الرائعه للشاعر عبدالرحمن عادل الشمري ولو اكمل الشاعر ذكر فرسان وشيوخ شمر
ازدادت روعه على روعتها

قـال الـذي ينظـم بديعـات الالحـان= أبيـات شعـر صاغهـا مـن ضميـره
مثايـلـه در ولـولــو ومـرجــان= وحقايقـه فـي عـز مجـد العشـيـرة

لـي لابـة يـوم اللقـى شانهـا شـان= عـز العميـل وضـد وجـه المغـيـره

كانـو ولا زالـوا للأمـجـاد عـنـوان =هـل الوجـيـه الطيـبـة والسفـيـرة
شاهدهم التاريخ مـن ماضـي الأزمـان= قلـيـل مـنـهـم والاوادم كـثـيـرة
غـل لكبـد المعتـدي ســم ثعـبـان =غلـبـا ولا دارت عليـهـم كسـيـرة
شمر ليا غطـى سمـا الكـون دخـان= لهـم الطويلـة مايـبـون القصـيـرة
من صلب حاتم نسـل حميـر وكهـلان =مـارددت صلـف الـريـاح تحفـيـره
أبين مـن النجـم الشمالـي ليـا بـان= واشهر مـن اللـي بالسمـا مستنيـرة
لـه فـارق مابيـن حضـر وبــدوان =الطيـب واحـد والسمـيـه خشـيـرة
من قلب نجد وبصمـة الوقـت عنـوان= يـامـا تـطـب ديـارنـا بالجـزيـرة
كـل ديـرة فيهـا لنـا نـزل واعيـان =وان لحـت الدنيـا لنـا كــل ديــرة
مرويـن مـن دم العـدا كـل عطشـان =السيـف معـنـا مايعـرفـه جفـيـرة
ماهـو ردى سبـع القبايـل وحقـران =كلـن ليـا هبـت لـفـح زمهـريـرة
لاقسمـوا حـق النشـامـا بمـيـزان= حنـا لنـا حـق العقـيـد ووزيــرة
هـل الطنـا غلبـا سناعيـس يمنـان =زهـيـد لادق البـعـيـر بـهـديـره
هل اللحيسه لادبـر الوقـت وان شـان =راهيـن وكبـار المنـاسـف نـديـره
لنـا علـى الـردات عـادة وديــدان =يامـا يسـوق مـن البشايـر بشيـره
عبده وسنجارة والاسلـم هـل الشـان= ربعـي ليـا شـح الزمـان بغـديـره
قبـايـل مـنـا شـيـوخ وفـرسـان= خضنـا بهـم جـم البحـور الغـزيـره
منا العقيـد الصيرمـي طيـر حـوران= فارس ولا عرفـوا هـل الجـود غيـره
ابـو المحمـد مثقـل المـزن هـتـان =يالله عسـى ماتنقطـع لــه بـذيـره
ومنـا بنيـه لا ارزف الجمـع دنـدان =كم مـن عشيـر فرقـه عـن عشيـره
نعم بابـو عبطـه سعـد كـل بلشـان =الشيـخ زيـزوم الجـمـوع الكثـيـرة
وصفـوق وان قيـل المحـزم بليهـان= يثني ليـا بـات الـردي فـي حصيـرة
وعدة لأبـو خـوذه ربيـع السـوادان= عبدالكريم اللـي كسـا النـاس خيـره
وتل اللحـم وسميـر واسعـد وزيـدان =ومسلـط ليـا جـار الزمـن نستجيـره
وفرحان والعاصـي ومطلـق و وطبـان= ويكفيـك بالهـادي جنبهـا وامـيـره
وان جيـت لليـاور لنـا فيـه نيشـان= مـادار فـي وسـط المحاكـم يـديـره
واللي عتق شمر عن المـوت مشعـان= مرسـل لبـغـداد العـذيـة سفـيـره
جربان من جربان من سـاس جربـان =شيوخ الجهامـة والسلـف والمسيـره
نعـم بهـم لاشبـت الكـون نـيـران =يملون مـن حجـر المعـادي حجيـره
ومنا ليـا عـدوا هـل الفعـل فهـران =جديـر بالفرسـة وهـي بـه جـديـره
ياجاهـل الصـيـداد ينبـيـك بــأذان =خـذ الخبـر لامـن لفـا بـه خبيـره
يعطيـك مـن ميـزر لمالـك لكنـعـان= لإخـوان رفعـة والصيـارم خطـيـره
ومنا شهوان الضيغمـي طلـق الايمـان= له سيـرة مالـه مـع النـاس سيـرة
ومنا عـرار الخيـل للغـوص سلطـان= ومنـا الشجـاع عميـر اخـو عميـره
وعبيـد قــواد السبـايـا بـالأكـوان =ابـن رشيـد اللـي سواتـه كبـيـرة
هان الصفا من ضرب صرخـه ولاهـان= ماطـال مـن كـف بتـر لـه جريـره
ومحمـد المهـاد مـروي شفـا الـزان =مـاداس مـن جدبـا جعلهـا خضيـره
ومنا الجنـازة يـوم روغـات الاذهـان =تبـرك ملـوك المـوت مبـرك بعيـره
ماهـاب مجلـول المهـابـه كحـيـلان =يفـوح مـن طيـب الضياغـم عبيـره
يشهد لهم قصـر الاعيـرف وبـرزان= ومن سيـس الاولـى طلـع بالأخيـرة
وابن علـي راعـي الطويلـة بعيجـان= سمـن العرابـي منخلـط بـه بعـيـره
وان قيل ابن ماجـد تناهـض عقابـان= ابـن عجـل سيـل الربيـع ومحيـره
وابن سعيـد مشبـع الذيـب سرحـان =مغنيـه يــوم ان القبـايـل فقـيـره
ومنا المسمـى بالعـرب ابـن جبهـان= شبـرم زبـون الوانيـه المستنـيـره
والقرم ابن سوقي على المـدح زافـان =مافـات مـن ورده لفـا بـه صديـره
وابن جدي راضي وابا اللميـخ فنخـان =وطـلال ابـن غـازي كعـام المغيـره
ومنا ابـن هبـاس كـان اللغـا شـان =علـى العـدو دابـر رهيـب صبيـره
ومنا ابـن نهيـر نـدا وابـن جـروان= هـل النبـا المعهـود واخـوة منيـرة
ومطنـي ليـا دور رح المـوت طنيـان= يذري علـى روس المعـادي ماتذيـره
وابا الوقي وعبدالكريـم ابـن سبهـان =واللـي نكـر حـق الطليعـه دبـيـره
وكذلـك الجبريـن لا حــان مـاحـان =عـدوهـم ماينـعـرف وش مصـيـره
واقول ابـن عـراك والشيـخ زيـدان= ويكفيـك ابـن هثمـي مجـار وجيـره
ومنـا دغيـم صـار للطيـب مـيـدان =لا شحـت العسـره جعلهـا يسـيـره
وابن برع وابن المعبهـل لهـم شـان =وابـن مصيـول بالليالـي العسـيـره
وان قالـوا التميـاط نعـم بضـيـدان= طيـر السعـد بالجـو محلـى مطيـره
واثنـي علـى سمـي سميـه وراكـان= وبرغش كعـم اللـي يتناشـر نشيـره
وزيد وسند من خلقـة الربـع تومـان =ومن ذلـل البكـره عقـد بـه ظفيـره
ويعيش ابـن عايـش ذرا كـل جيعـان =يعطـي العطايـا ولا يخـلـي ذخـيـره
والحثربي ويا الحـدب وابـن عـردان =وعندنـدح التجغيـف يـا وي سـيـره
ومنا ابن زويمـل فهـد وابـن رمـان= وكذلـك الامسـح علـومـه سفـيـره
ومنا العجـرش مـن عدامـا وهيشـان =وشويـش نعـم فيـه عـز القصيـره
وابـن عبيكـه والعبكلـي وغضـبـان =وسفاح وابن هذيـل شـوق الصغيـره
ومنا الطويـل اللـي يوصـف بشامـان =وابـن غشـم ضـده حياتـه خطيـرة
وابـو وتيـد ليـا شـهـر والثنـيـان= وابـن دهيثـم والمحيـثـل جـديـره
والموعـدي ومنيـس وابـن الهبيكـان =وابـن رخيـص ليـا تكتـم غبـيـره
والقرم ابن دايس علـى العـي عيـان =يركـي علـى كبـد المعـادي سعيـره
وابن الشلاقـي والشريعيـب شجعـان =وابـن صخيـل ومـن يقـرب لبيـره
ومنا ابن سويحل عـن الضيـم مزبـان =عايـد تــرا والله مايطـيـر طـيـره
ونعم بضـاري واخـو فلـوة سليمـان =ابـن محمـود الفيضـة المستـديـرة
والشايـب جنـاع القعيطـي ذويـبـان =اللـي مثـل هـزر الأوافـي هـزيـره
خلايف اللـي هيـس الـروح زعـلان =ماعرقلـه عمـه نـوا لـه شـويـره
هايس ليا مسـت مصاريـع الارسـان =يـرد الخطـر قبـل يجـي لـه نذيـره
وحمـود ابـن بقـار نعميـن يافـلان =كريـم سـبـلا والعـطـا مايضـيـره
والفعـل لعيـال الـطـوالات بـرهـان= طـب النفـوس المخبثـة والحقـيـرة
نعم بهـم مـن دور برغـش وعـدوان= والحودلـة حـودل جـمـوع كثـيـرة
وضاري اخو صلفه ومثلـه فـلا كـان= عـز السبـاع الجايـعـات ونصـيـره
ومنا ابـن عيـاده لا اطريـت صديـان= وفـواز ابـن سـراي ذرب المسيـرة
ومنـا ابـو قريبـان ياقيـل جـدعـان =حمـاي عجـلات الدبـش بالظهـيـرة
وذيـاب واللـي غالـط فيـه غلطـان =على الصحـن لـولا الحيـا دق زيـره
وفنيطـل الوجعـان للكـون وجـعـان =يـدي مـن رقـاب النشامـا نحـيـره
وكـردي ليـا مـن دوروا فيـم بيكـان =وهيكل نظيـر اللـي تعومـس نظيـره
وجديـل قرنـاس الـهـوا والدلـيـان= عدوهـم بالكـون حـاسـوا مـريـره
وان قالـو الكتفـان مشـرف ووبـران= وتيـرة والطـيـب معـهـم وتـيـرة
وراعي الجوار ان قلـت منـا وهيهـان =مشـوط صعـوط الصبـة المستطيـرة
وثانـي اخوسـارة ولالـه معـه ثـان= سعـد الوجيـه العابسـة القمطـريـرة
ومنا البرازي وهـو تـروس بزبـلان =ودليـم زافـور السريـحـي زفـيـرة
والمايحـي وابـن بشـر والعنـيـزان =والفاضلي وابن كفـش عـن عشيـرة
وطارش وابن عجرف وابن نمر عرسان= القافلـة بـأدنـى حديـهـم غـريـره
ومنا ابن سبيه ونعـم وابـن خدعـان= يكـفـونـا بـعـدونـا مـانـعـيـره
وابن شفق راضي وصـرد واللبيخـان =وابـن بريطـم والصقيهـي نظـيـره
ومنا البدر وابن بدر وابن مروب جعيدان= وابن لويـش القـرم واخـوة سويـرة
ومنا ابن مغامس وابـن نيـف ذيبـان =غمـر المراجـل والثنـا هـم غميـره
ومنـا القديـري والمجيحيـم وسنـان= وعظيـب والزمـاي وابـن القطـيـره
وراعي البويضا لا حضر وابن نفجـان= وشخيـر البصـري وغيـره وغـيـره
صيـارم تهتـز لـه سبـع الأركــان =خالين مـن عـرق الدنـس والمعيـره
هذا ولا قصـدي للـي غيـر نقصـان = كلـن علـى حقـه سيوفـه شطـيـره
ومــادام تـيـار الأوادم لـيــا لان= يظهـر مـن كبـود العـذارا بـريـره
وتمـت قصيـدة قايلـه ابـن راكــان= يفهـم لـغـاي مفتحـيـن البصـيـرة



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
. .
  رد مع اقتباس
قديم 02-Jan-2011, 02:53 AM   #6
طماطم
عضو الطليعة
افتراضي

قصيدة لشمر فيديو
. .
  رد مع اقتباس
قديم 02-Jan-2011, 02:59 AM   #7
طماطم
عضو الطليعة
افتراضي



يالله ياعالم بخافي حوالها**رافع سماها دون شدة حبالها

بستة ليالي ركز الارض والسما**يقدر ولا يعسر وربي قوالها

اودع بها الوديان والرجم والجلد**بعد الجلد نصب نوايف رمالها

وطشر نجوم الكون والثاني القمر**تشوف بالظلما قديح اشتعالها

وعزل نهاره عن ظلامه بقدرته**وارسل مليكه ثم رسى جبالها

واظهر لنا شمس غشى الخلق نوره **وان افت حال الخلايق بجالها

فضله كثير بس نطلبه الثنا**وحبل الوصل لا ننقطع عن وصالها

وثم خلق آدم وحوا من الثرا**ونفخ بهم من روح جل جلالها

وصارو بجنات النعيم وتوافقو**عن شجرة شينه منعهم وصالها

وحداهم ابليس اللعين بطريقته**ودهور نفوس مطمئنه بحلالها

وجازاهم الخالق وفرق لشملهم**ومن طاع راي ابليس هذا جزالها

حوا بشرق الارض وآدم بغربها**وكل قصد للوجه الآخر قبالها

آدم ينام الليل والصبح يبتدي**يبغى يشوفه ما دون اعتجالها

وحوا تدوس الليل والصبح بالسرا**من لهفته مالذة النوم جالها

وتجلس على كوم البرد في طريقها**وتشكي سموم القيض وآعزتالها

وتقابلو بعد المسافات والعنا**وتعارفو بالشاهقه من جبالها

وياقادر في ذا تقدر لحيرتي**باشاكيك برجواك العزيزه وحالها

باشاكيك انا يالله من جور وقتنا**دنيا تصفقنا على ما طرالها

والحظ يندبنا وبقعا تحوفنا**دنيا تحدنا وسكر مجالها

بالله ياللي بك خيره ومقدره**خلك فطين بحالنا وش بدالها

لولا الحسد والحقد ماصار وضعنا **مثل فلسطين الذي شفت حالها

بس بكلام الناس تسعى بجهدها**ولحد وقف معها ولحد سعالها

ماجور يا قلب تدهولت بالقهر**عزي لنفس خبث الوقت بالها

قبل امس وانا عند ربعي وعزوتي**واليوم بديار صعيب منالها

وباكر على الدوحه وبعده لغيرها**والله عليم بحالتي وش نوالها

امشي وانا مالي قرايب على ارضهم**والروح مما شفت قرب زوالها

ذكرت حكم الله باول قصيدتي**من هب للقبلي يدير لشمالها

هو داير الافلاك يقدر يديرها**ويطفي لهب كبد يزيد اشتعالها

تايه ولا اظن لي وطن يا هل الوفا**لي الولي والروح هي واعمالها
والله لو انه على ما مضالنا**عند نزلكم حايل ادني رحالها

واعزي الروح الغريمه بودكم**واقول روحي مضيعه وش غدالها

ما هو ردا فيكم ولا اسب فعلكم**يا لعنبو نفس غواها همالها

قلته وانا راسي تزاين به الطنا**ومن سيد كل الناس ماهم انذالها

انا لابتي هم خيرة الخلق والبشر**بعد الصحابه لابتي هم اجزالها

زوبع هلي غلبا هل العرف والنقا**شمر خيار القوم شمر ثقالها

شمر هل الردات شمر بوقتهم**شمر على كل القبايل افعالها

ولوهي تعود امجاد شمر وعزنا**شمر على كل الخلايق ظلالها

شمر هل النوهات شمر هل الخطا**شمر طنايا طي شمر جبالها

شمر عفاف العرض شمر هل الخوي**الفكر صخرها ولحد قوالها

من غير قاصر بالقبايل وحضرها**منهم مثل شمر على ما مضالها

اذا الناس ارض وهم شمر رجومها**ومهما زمو بالزود شمر جبالها

واذا الناس مزن زار واستنزل البرد**شمر بحر ما ضايقه باحتمالها

واذا الناس غيم زام بالجو وانتهض**شمر نجوم ولا وصل لمستواها

والله يا لولا لابتي ضايع الوفا**ومحمد العوني سبقني وقالها

ويقول فجحان الفراوي بطيبهم**منهو مثل شمر رخيص حلالها

احبهم و احب كل يحبهم**وابغض من ابغضهم ولاني بحالها

ويامن يهجعني ويجبر مصيبتي**ويامن يرد للنفس معنى سؤالها
. .
  رد مع اقتباس
قديم 02-Jan-2011, 03:56 AM   #8
Đễēறά « ღ
افتراضي




يعطيك العافيه اخوي ..||~

وان شاءالله يكون لي عوده بً قصائد ..}

. .
  رد مع اقتباس
رد
مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع إلى


الساعة الآن: 01:01 AM


Powered by vBulletin® Version 3.7.3, Copyright ©2000 - 2014
الآراء المطروحة في هذا المنتدى تخص أصحابها ولا تعبّر عن رأي إدارة الطليعة

| منتديات قطرات | منتديات الضويلة | منتديات موقق | منتديات أساطيرحائل |