|
بعض العرب
على البعض كل ما شرهت وتهقويت=تاقف مشاريهك على حسب حاجه أن ما خذوها منك قالوا لك اخطيت=ومن نالها ما نلت غير ابتهاجه أقربهم اللي ما يحييك لا جيت=وأبعدهم اللي عقّد الله حجاجه يمدلك يده اذا يدك مديت=وقلبه على ماقيل يشبه لصاجه يكذّبون الحي في سيرة الميت=على لسان الترمذي وبن ماجه يصنّعون الصيت لو مالهم صيت=بكثر الحكي والهذرمه والسماجه صدك عن مجادل بعضهم اليا بليت=اخير من خوض الجدل واللجاجه وانا عن هذولا وهذولاك صديت=وريحت راسي من كثير انزعاجه أقول لو قولي يجي دون توقيت=وكلن يقول اللي يريّح مزاجه مقرود واكتب بيت واتليه في بيت=وأجيب من عقب العجاجه عجاجه مادام حنا بدولة الغاز والزيت=كلٍ يدوِّر في جيوبه خراجه |
صح السانك الف شكر قصيدة ممتعة
|
مــادام حـنـا بـدولـة الغاز والـزيــت
كلٍ يدور في جيوبه خراجه كلامات اكثر من رائعه ومن شاعر اروع |
صح لسانك وعلى شانك على روعة ما كتبت
|
روووعه ..
|
الله عليكك ي اخو سلمى
صح الله لسانكك مبدع دائما .. |
اقتباس:
لاهنت يالعشير اما سالفة شاعر تو الناس على قولة شاعر يا صديقي الالكتروني 🌷 |
| الساعة الآن: 01:53 AM |
Powered by vBulletin® Version 3.7.3, Copyright ©2000 - 2022
الآراء المطروحة في هذا المنتدى تخص أصحابها ولا تعبّر عن رأي إدارة الطليعة