عرض مشاركة واحدة
قديم 13-Mar-2011, 04:07 PM   #3
‏‏AŁKιИĞ
مرآقــب
 
الصورة الرمزية ‏‏AŁKιИĞ
افتراضي

ياللي ورى ركنـك تلـوذ المساكيـن
واسجد لمرضاتـك واذلـل جبينـي
عبدك على عهدك ومدك بـلا حيـن
وانـا علـى بابـك وتعلـم كنيـنـي
ازريت لا عـدل كفـوف الموازيـن
وازريت اسد الربع من عشـر دينـي
لبيـه ثـم لبـيـه لبـيـه واهلـيـن
ياعـز وجهيـن وثمرهـا سنيـنـي
وابر واغلا مـا تحلـت بـه العيـن
واجل وابـرك مـن اجيـه ويجينـي
واهلا ولو اهلا توقـف مـع اسميـن
وقفتهـا مـا بيـن الاسمـى وبينـي
واثنين ما افـرق فالغـلا ومتساويـن
الانـي افـرق بيـن عينـي وعينـي
ليت انهم فالصدر حرز عـن البيـن
والمـوت قبـل يمرهـم يحتويـنـي
وعن واهج الرمضا ضلوعي بساتيـن
واليـا وطوهـا زلهـم راحتيـنـي
اطيب وامرض واغضب العمر وازين
وانسى المجافي واجفى اللـي يبينـي
واحب واكره واحشم انسـان واهيـن
في ذاتهـم واقـرب بهـم مبعدينـي
واصل على رجوى رضاهم للقصيـن
واقطـع بمبعدهـم ولــوه يميـنـي
ولو ان عمري يصرف ايام واسنيـن
قسمت عمري عـدل مـع غاليينـي
واليـا نزلـت اقبـل اكفوفهـم ليـن
ساويـت راسـي مطلـع الفرقدينـي
وانا فدا ماطـى قـدم جـل الاثنيـن
من دون اقول اللي تحوشـه يدينـي
وامين من جودك ومن جودك اميـن
يالله عسـى الجنـة جـزا والدينـي


. .
  رد مع اقتباس