الموضوع: بعض العرب
عرض مشاركة واحدة
قديم 07-Oct-2014, 09:22 PM   #1
سطم الغيثي

 
الصورة الرمزية سطم الغيثي
New22[1] بعض العرب

على البعض كل ما شرهت وتهقويت=تاقف مشاريهك على حسب حاجه
أن ما خذوها منك قالوا لك اخطيت=ومن نالها ما نلت غير ابتهاجه
أقربهم اللي ما يحييك لا جيت=وأبعدهم اللي عقّد الله حجاجه
يمدلك يده اذا يدك مديت=وقلبه على ماقيل يشبه لصاجه
يكذّبون الحي في سيرة الميت=على لسان الترمذي وبن ماجه
يصنّعون الصيت لو مالهم صيت=بكثر الحكي والهذرمه والسماجه
صدك عن مجادل بعضهم اليا بليت=اخير من خوض الجدل واللجاجه
وانا عن هذولا وهذولاك صديت=وريحت راسي من كثير انزعاجه
أقول لو قولي يجي دون توقيت=وكلن يقول اللي يريّح مزاجه
مقرود واكتب بيت واتليه في بيت=وأجيب من عقب العجاجه عجاجه
مادام حنا بدولة الغاز والزيت=كلٍ يدوِّر في جيوبه خراجه

الموضوع الأصلي: بعض العرب , الكاتب: سطم الغيثي , المصدر: منتديات الطليعة


. .
التوقيع: لا اله الا الله

التعديل الأخير تم بواسطة : سطم الغيثي بتاريخ 14-Mar-2016 الساعة 09:05 PM.
  رد مع اقتباس