عرض مشاركة واحدة
قديم 12-Mar-2013, 12:40 PM   #1
سطم الغيثي

 
الصورة الرمزية سطم الغيثي
Important خادم الحرمين الشريفين الملك عبد الله بن عبد العزيز ال سعود حفظه الله ورعاه

يا ملكنا لو كتبت الشعر تعبير لغلاك=ما يوفّي لو كتبت ايام وشهور ودهر
وشيقول الشعر فيك والله العالي حباك=حب شعبك والمعزّه عند بدوان وحضر
ادري ان أبيات شعري صعب تاصل مستواك=والله أني فيك لكتب لو اخط دمي حبر
سيدي انت بعلوك نجم شامخ في سماك=ياكريم(ن) طبع جودك عجّز ملوك العصر
انت والد واعرف انه من رضا ربي رضاك=يا جعل ربي يديمك تاج راسي والفخر
قامت العالم تباشر يوم سمعت في شفاك=والرياض تزف بشرى للقفار وللبحر
يا مليك العُرب حمد لله العالي رعاك=جعلها إن شاء ربي آخر الشكوى طهر
الورود بعودتك ياخذ شذاها من نباك=خادم البيتين ذخر ولاعقب ذخرك ذخر
أبسط عيوني فراش واغلق جفوني غطاك=والله انك مي عيني يابو متعب والنظر
كلمة(ن) توصي بها وتحث دايم بوزراك=المواطن المواطن لا ضرار ولا ضرر
كلنا نمشي على حق وحقيقه مع لواك=والامان الحمد لله في بلادي مستقر
من عطالله يامليك العُرب ثمَّ من عطاك=بكل دقيقه مملكتنا يابو متعب تزدهر
كل يتيم وكل فقير بكل بلاد ليا نخاك=فزعتك غيم وتلبد بالعطى ثم انهمر
يا مليك قلوب شعبك كلنا رهن لفداك=بالولى والطاعة اللي تنتظر منك أمر
مَن جمع كل المذاهب للتحاوُر من سواك؟=بادر وحاول يصلّح ما بأُمتنا انكسر
بالشجاعه لو ذكرنا الذيب مدحه ماكفاك=مهما قالوا فيه وصفه عن شجاعاتك قصر
سيدي اسمك كفايه ظاهر باسمك عُلاك=تعبد الله يوم غيرك يعبد النار وحجر
تامر بمعروف دايم الله أكبر هو نداك=راية الإسلام تعلوا أي رايه تشتهر
ما أبالغ ما أقول الله للجود اجتباك=لكن انت الجود كله بالمفيد المختصر
ياعساها تموت غل وتنتحر غيضاً عداك=وتبقى شامخ في علوك عزّه وطولة عمر



. .
التوقيع: لا اله الا الله

التعديل الأخير تم بواسطة : سطم الغيثي بتاريخ 26-Mar-2013 الساعة 12:05 AM.
  رد مع اقتباس