بعض العرب

[سطم الغيثي]

على البعض كل ما شرهت وتهقويت=تاقف مشاريهك على حسب حاجه
أن ما خذوها منك قالوا لك اخطيت=ومن نالها ما نلت غير ابتهاجه
أقربهم اللي ما يحييك لا جيت=وأبعدهم اللي عقّد الله حجاجه
يمدلك يده اذا يدك مديت=وقلبه على ماقيل يشبه لصاجه
يكذّبون الحي في سيرة الميت=على لسان الترمذي وبن ماجه
يصنّعون الصيت لو مالهم صيت=بكثر الحكي والهذرمه والسماجه
صدك عن مجادل بعضهم اليا بليت=اخير من خوض الجدل واللجاجه
وانا عن هذولا وهذولاك صديت=وريحت راسي من كثير انزعاجه
أقول لو قولي يجي دون توقيت=وكلن يقول اللي يريّح مزاجه
مقرود واكتب بيت واتليه في بيت=وأجيب من عقب العجاجه عجاجه
مادام حنا بدولة الغاز والزيت=كلٍ يدوِّر في جيوبه خراجه

[ناصر ثنين]

صح السانك الف شكر قصيدة ممتعة

[الخاطف]

مــادام حـنـا بـدولـة الغاز والـزيــت
كلٍ يدور في جيوبه خراجه

كلامات اكثر من رائعه ومن شاعر اروع

[سطم الغيثي]

المشاركة الأصلية كتبت بواسطة الخاطف

مــادام حـنـا بـدولـة الغاز والـزيــت
كلٍ يدور في جيوبه خراجه

كلامات اكثر من رائعه ومن شاعر اروع

كلامات امظلوم

لاهنت يالعشير
اما سالفة شاعر تو الناس على قولة شاعر يا صديقي الالكتروني 🌷

[سمو الروح]

صح لسانك وعلى شانك على روعة ما كتبت

[صدى الصمت]

روووعه ..

[حسآيف]

الله عليكك ي اخو سلمى

صح الله لسانكك
مبدع دائما ..