حمل الزمن

[سطم الغيثي]

فكره تراودني ودايم على البال=واليوم صدفه دون سبّه لفتني
الماضي الحاضر على واقع حال=ذكرى انا اكتبها وهي ماكتبتني
هذي الحياه احداث حلٍ وترحال=ضاقت علي بوسعها ماكفتني
احدها وتحدّني لاشهب اللال=وغرفة يديني للأسف ماروتني
على حنيني كل ماجيت اباحتال=كل المشاعر فزّت وقاومتني
كتلة مشاعر تحيي إنسان ميّال=وانا المشاعر للأسف موتتني
ودي بها تزبن على طيب الفال=وهي على باب الردي كسرتني
ياما صنعت من المثل عدّة أمثال=وياما تجارب للحقيقه هدتني
لو بي على العالم من الكبر مثقال=ذره عسا روحي جسم فارقتني
ان كان ماجهدي رفع حملي وشال=خلق الله بزود الحمول ارهقتني
ماطاح من حمل الزمن غير الآمال=ولا شال من حملي معي غير متني
ولا طاح من عيني سوى بعض الانذال=اللي على ظروف الزمن ساومتني

[ابو سلطان]

ياهلا بشاعر الطليعة
وكل عام وانت بخير معايدة شعرية ووفاء بالوعد لاهنت
مع فائق التقدير والاحترام بك نفتخر

[aboo_saad]

المشاركة الأصلية كتبت بواسطة سطم الغيثي

فكره تراودني ودايم على البال=واليوم صدفه دون سبّه لفتني

الماضي الحاضر على واقع حال=ذكرى انا اكتبها وهي ماكتبتني

هذي الحياه احداث حلٍ وترحال=ضاقت علي بوسعها ماكفتني

احدها وتحدّني لاشهب اللال=وغرفة يديني للأسف ماروتني

على حنيني كل ماجيت اباحتال=كل المشاعر فزّت وقاومتني

كتلة مشاعر تحيي إنسان ميّال=وانا المشاعر للأسف موتتني

ودي بها تزبن على طيب الفال=وهي على باب الردي كسرتني

ياما صنعت من المثل عدّة أمثال=وياما تجارب للحقيقه هدتني

لو بي على العالم من الكبر مثقال=ذره عسا روحي جسم فارقتني

ان كان ماجهدي رفع حملي وشال=خلق الله ان ما دحدرت كومتني

ماطاح من حمل الزمن غير الآمال=ولا شال من حملي معي غير متني

ولا طاح من عيني سوى بعض الانذال=اللي على ظروف الزمن ساومتني

يا سلام عليك يابو قصي على هذه القصيدة الجزلة لك مني اجمل التحايا وتقبل مروري.

[سطم الغيثي]

ممنونك ابو سلطان كل عام وانتم بألف خير ياغالي

[سطم الغيثي]

ياهلا ومسهلا ابو سعد تسلم يابعدحي وكل عام وانت بخير