اللون الاحمر اللون الأزرق اللون الأسود اللون الأخضر اللون الوردي اللون البحري اللون الرمادي

عذراً تم إيقاف التسجيل حتى إشعار أخر


العودة   منتديات الطليعة > قسم الأدب والشعر > منتدى الموروث الأدبي و الشعبي والشعر المنقول
منتدى الموروث الأدبي و الشعبي والشعر المنقول يهتم بالموروث الأدبيه و القصص والشعر المنقول

الإهداءات
سمو الروح : اللهم صل وسلم وبارك على محمد وأهله وصحبه أجمعين    


رد
قديم 02-Jan-2012, 06:12 PM   #1
aboo_saad
عضو مجلس ادارة
افتراضي [مميز] قصيدة المعلمة سارة يوم شافت حبيبها جاي يسجل بنته....

قصيدة المعلمه ساره يوم شافت حبيبها جاي يسجل بنته
يانوره بالله اسمعي لاتصدين
يابنت حرن مركزه بالصداره

شي جرالي قسم القلب قسمين
وابلا ملامه افهمي للعبارة

باول دوام المدرسه يوم الأثنين
معلمه في وجه باب الأداره

وقفت باللجنه على سادس اثنين
مثل المجند ينتظر للأشاره

هاذي تنادي وهاذي ابله انا وين
زحمه وتو اليوم بأول نهاره

اصوت لثنتين وبيدي ثنتين
نوره مضاوي عايشه مي ياره

وسمعت صوتن رجع القلب لسنين
صوت الذي اسمه بنقش السواره

اختي عن اذنش ناقل البنت هالحين
تفضلي الأوراق والأستماره

عجزت لا اجاوب ولا ارمش العين
طول سكوتي وهو طال انتظاره

حسيت ان الدم مثل البراكين
شريان قلبي وصل حد انفجاره

ورفعت راسي وصارت العين بالعين
ولمحت في عينه سواة الشراره

هو هو والا واهمه يامسلمين
زوله ورفعة حاجبه مع سماره

لا ماتغير فيه ياكود شيين
حف الشنب والشيب زاد بوقاره

اتلا علاقتنا ثلاثه وتسعين
باول حلاة العمر قبل انكساره

الشاهد الله ماحصل بيننا شين
ولا يخدش احساس بنت وعذاره

نعم الحبيب اللين الطيب الزين
ونعم الرفيق اللي حفظ حق جاره

ياوجه ابوي الوجه مرحب وسهلين
لا يابعد روح ومعاليق ساره

ودي المه وودي اصيح بس وين
مثل الكسير اللي نشب وسط غاره

مايستطيع المشي من دون رجلين
وحوله جنودن تشتهر بالشطاره

ياللأسف هالحين صرنا غريبين
حكم القدر واصدر علينا قراره

الهم والغربال والفقد والبين
وانا اسيره تنتظر للزياره

ويلي على لاماك ويلاه ياحسين
يامن يجمعنا واسوق البشاره

ساره وسكت له لحظه كنها سنين
واقفا واشوفه يوم شب الزقاره

رد حسين على قصيده معشوقته القديمه ساره
يامرحبا ياغايتي ياهلاوين
يابنت عودن فيه طيب ونعاره

لا يابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة اسنين
ماكان شفتي الشيب زاد بوقاره

لا مانسيتك من ثلاثة وتسعين
وشلون ابنسى حب واضح مساره

تدرين شاللي هزني يوم الأثنين
واللي ذبح قلبي بأول نهاره

زولك لمحته يوم كنتي تمشين
بين الصفوف اقبال باب الأداره

وفز الخفوق وقلت ياربي تعين
هي هي ولاهي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي اكيد انك سمعتي بساره

منقوووووووول
. .
التوقيع:

التعديل الأخير تم بواسطة : ادارة فريق التطوير بتاريخ 27-Feb-2012 الساعة 06:07 PM.
  رد مع اقتباس
قديم 02-Jan-2012, 06:27 PM   #2
ابو سلطان
عضو مجلس ادارة
افتراضي

الله يسعدك يابو سعد

كل الشكر.
. .
  رد مع اقتباس
قديم 02-Jan-2012, 07:13 PM   #3
صقر البادح

 
الصورة الرمزية صقر البادح
افتراضي

صح الله لسانكك يالغالي ع الاختيار

والابياات جداُ مؤثيره

يعطيكك العافيه
. .
التوقيع: اضغط على الصوره واستمع للقران الكريم
:::
ولا تنسى دعواتك للوالد بالصحه والعافيه
  رد مع اقتباس
قديم 02-Jan-2012, 07:17 PM   #4
خجل حرب
عضو الطليعة
 
الصورة الرمزية خجل حرب
افتراضي

قصيدهـ تبكي الصخررر
ويلآآآآآهـ
تسلم يمينكـ يآخوي
. .
التوقيع:
لا صــــرت تجهــــل بعلومـ الرجــــاجيــل


ارقــــد فديتــكــ بين بــابــا ومـــامـــا...




*****************





  رد مع اقتباس
قديم 02-Jan-2012, 07:28 PM   #5
الخزآمى

 
الصورة الرمزية الخزآمى
افتراضي

الله عليك يابو سعد وعلى اتنتقائك الرائع
لاعدمنا جديدك
. .
التوقيع:
  رد مع اقتباس
قديم 02-Jan-2012, 07:55 PM   #6
ﻵتغركـ ضـכَـكتـي
مشرف
 
الصورة الرمزية ﻵتغركـ ضـכَـكتـي
افتراضي

اقتباس:
المشاركة الأصلية كتبت بواسطة aboo_saad مشاهدة المشاركة

ويلي على لاماك ويلاه ياحسين
يامن يجمعنا واسوق البشاره

ساره وسكت له لحظه كنها سنين
واقفا واشوفه يوم شب الزقاره

رد حسين على قصيده معشوقته القديمه ساره
يامرحبا ياغايتي ياهلاوين
انتقاءرائع من ابو سعد
اسعدتنا بهذه الذائقه
. .
التوقيع:
  رد مع اقتباس
قديم 02-Jan-2012, 08:40 PM   #7
ثلجه فوشيه
عضو الطليعة
 
الصورة الرمزية ثلجه فوشيه
افتراضي

الله الله
وربي كلمااات مؤؤؤثره
يعطيك العافيه ع الانتقاء الاكثر من رااائع
. .
  رد مع اقتباس
قديم 02-Jan-2012, 09:06 PM   #8
الطنايا
عضو الطليعة
 
الصورة الرمزية الطنايا
افتراضي

اشكرك ع النتقاء
. .
التوقيع:
  رد مع اقتباس
قديم 02-Jan-2012, 09:30 PM   #9
الخاطف
عضو الطليعة
 
الصورة الرمزية الخاطف
افتراضي

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي اكيد انك سمعتي بساره

قصيده حزينة وقصص العشاق كلها حزن صح لسان شاعرها والله لا يحرمنا من ذوقك يابو سعد
. .
التوقيع:




يا جارنا ما تقدر العين فرقاك = شدو نشد ولي نزلتو نزلنا
انا معك لو صارت الهند منصاك= تهون من فرقاك فرقا وطنا
والله ما يطري على القلب ينساك = طول الحياة ولو نويتو زعلنا
على الهوى والحب مديت يمناك =ان الليالي السـود مـا يفرقنـا
  رد مع اقتباس
قديم 02-Jan-2012, 10:00 PM   #10
aboo_saad
عضو مجلس ادارة
افتراضي

الأخوة الكرام:
ابوسلطان
صقر البادح
خجل حرب
الخزامى
لاتغرك ضحكتي
ثلجه فوشيه
الطنايا
الخاطف
أشكركم على مروركم الكريم الذي اسعدني لاعدمنا تواجدكم.
. .
التوقيع:
  رد مع اقتباس
رد
مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع إلى


الساعة الآن: 10:30 AM


Powered by vBulletin® Version 3.7.3, Copyright ©2000 - 2022
الآراء المطروحة في هذا المنتدى تخص أصحابها ولا تعبّر عن رأي إدارة الطليعة

| منتديات قطرات | منتديات الضويلة | منتديات موقق | منتديات أساطيرحائل |